Haasawa Haalaan Bareedaa Nama Towbaa Isaa Irra Turuu Barbaadeef

 

Haasawa Haalaan Bareedaa Nama Towbaa Isaa Irra Turuu Barbaadeef.." 

Mee dubbisaa waliifiis SHARE godhaa.. 

Gurbaan tokko Imaam ibraahim Ibn Ad-hamitti dhufee ja'een.. " Yaa Imaam Diliin dhiisuu dadhabe, towbadhuus ittumaan deebi'a.. Mee maal furmaata naaf dhaamta akkaan towbaa irra turu"..

Gaafiin kuni cimaadha.. irra hedduun keenya haalli kunis nu qunnama.. Dilii irraa towbannee ammas daddeebinee keessa buuna.. 

Imaam Ibraahiimiis, jechoota 5 amma siif dubbadhu kana sirritti na hordofi ja'een:.. 

1) "Yoo dilii dalaguu feete, Rizqii Rabbii hin nyaatin" ja'een..

Gurbaaniis:.. "yaa imaam, wanni dachii gubbaa jiru hundinuu Rizqii isaatii.. duba akkamitiin ykn maal

nyaadheen jiraadha?" ja'een.. 

Imaam Ibraahiim:.. "Duba Rizqii isaa nyaachaati isatti

dilooytaa?? kuni nama sammuu qaburraa hin eeggamu." ja'een

Gurbaan: "mee tan lammaffaatoo maali?" ja'ee gaafate.. Imaam Ibraahiim:..

2) "Yeroo dilii dalaguu feete, dachii rabbii gubbatti hin dalaginii, tan biraa laalladhu" ja'een..

Gurbaan: "yaa imaam dachiin hundi tan Rabbiitii bakka biraa taniin dhaqu hin qabu.." ja'een

Imaam Ibraahimiis: "Duba ati, rizqii isaa nyaachaa, dachii isaa gubbaa jiraachaati dilii isaa daleeydaa?/" ja'een

Gurbaaniis: " sadaffaa ergaa teetii as kenni" ja'een..

Imaam Ibraahiim: 

3)" Yeroo dilii dalaguuf deemtu bikka Rabbiin sin arkine dhaqii dalagi" ja'een

Namtichiniis hedduu ajaa'ibee, akkana ja'een: "Hay addunyaa tana gubbaa bakkummaan inni itti nan arkinee huu hin jiru gaa" jennaan

Imaam Ibraahimiis: "Duba ati Rizqii isaa nyaachaa, dachii isaa gubbaarratti, bikka inni itti si arkutti dilii isaa daleeydaa..??" jachuudhaan deebiseef.. 

Gurbaan: "mee tan afraffaatoo maali..??"

Imaam Ibraahiim: 

4) "Hoggaa duuti ykn malakulmawtiin sitti dhufe, ani amma du'uu hin fadhuutii, niin toowbadhaa xiqqo

booda natti deebi'i ja'ii ofirraa oofi".. ja'een..

Namtichiniis:.. "Hay du'a namni tokkolleenuu ifirraa deebisuu hin dandayu gaa.." ja'een..

Imaam Ibraahiim: "Duba ati Rizqii isaa nyaachaa, dachii isaa gubbaa jiraachaa, bakka inni si arkutti dilii daleeydee, kha gaafa duuti sitti dhufte ofirraa

deebisuu hin dandeenye, dilii Rabbii keetii akkamiin

daleeydaa??".. 

Gurbaan: "Mee tan shanafaattoo maali?" jachuun gaafate..

Imaam Ibraahiim: 

5) "Gaafa dirree qiyaamatti malaa'ikaan ibiddaa

(Zabaaniyaan) ibidda jahannamitti si darbuuf sitti

dhufan.. ani isin waliin gara ibiddaa hin deemu" ja'ii wajiin deemuu jalaa didi ja'een..

Gurbaaniis.. "ani akkam ja'eetiin jalaa hafuu dandaha.. hoggas dirqama kiyyaa.." ja'een.. 

Imaam Ibrahiim: "Duba ati rizqii isaa nyaachaa, dachii isaa gubbaa jiraachaa, bakka inni si arkutti dilii hojjachaa, khani du'a ofirraa deebisuu hin dandeenye,

guyyaa qiyaamaatiis lubbuu tee ibidda irraa nagaya baasuu hin dandeenye, akkamiin dilii Rabbii

daleeyda" ja'een..

Namtichiniis, "naaf gahe, naaf gahe, naaf gahe.. wallaahi yaa imaam, gorsa bareedaa naaf kennite.. ganaa diliitti hin deebi'u" jachaa biraa kute..

Obbaleeyyan kiyya yeroo lubbuun teenya dilii nu hawwite jachoota kana haa yaadannu..

Dilii irraa dhaabbachuuf sababa nuuf taha ja'eetiin amana.. Gorsa irraa fudhattaniis comment nuuf barreeysaa.. nu hundinuu akka wal fayyadnuu!!?