Isaanifis guyyaan fokkiftuun sun ni jirti jedhee namni yaade hin turre.

Isaanifis guyyaan fokkiftuun sun ni jirti jedhee namni yaade hin turre. 

Guyyaan jibbamtuun namuu dhandhamuuf jibbu sun isaanittis ni dhufti jedhee namni eegaa ture tokkollee hin turre. 

Eeyyan Duuti nama kamuu akka salphatti fudhattu sun nama kabajamaa fii jaalatamaa sana addunyaa tanarraa ni fudhatti jedhanii yaaduun ulfaataa ture. 

Maaliifuu Jaalalli hawaasni muslimaa isaaniif qabu hedduu guddaa ture. 

Tahus guyyaan du'a isaanii sun ni geesse. 

Oduun Ergamaan Rabbii Nabi Muhammad s.a.w du'e jettu hawaasa keessatti dhaga'amte. 

Umar Ibnu khaxxaab r.a gaddi sammuu isaanii koree jennaan dallansuun seeyfii isaanii oli baasanii lallaban. 

"Mee namni Ergamaan Rabbii du'eera jedhee dubbatu haa jiraatu seeyfii kanaan morma isaa irraa dabarsa." Jedhan. Namuu osoo hin dubbattin cal'ise. 

Booda Abubakar Assiddiiq r.a ni dhufan. Sahaabtotatti sagalee isaanii ol qabanii dubbatan. "Yaa ummata Muhammad s.a.w! Isin gidduu namni Muhammadiin gabbaraa turtan yoo jiraattan, haa beekuu Nabi Muhammad s.a.w du'ee jira. 

Namni garuu Rabbii isaa gabbaraa ture, haa beekuu Rabbiin yoomuu jiraataa dha gonkumaa hin du'u. 

Yaa Ummata Muhammad s.a.w! 

Wanta Qur'aanni Rabbii nuun jedhee haa yaadannuu. Akkana jedha. 'Muhammad s.a.w Ergamaa Rabbii qofa dha. Asiin duras Ergamtoota Rabbii hedduutu dabran. 

Duuba hoo maaliif?, osoo Muhammad s.a.w du'ee ykn ajjeefamee islaamummaa irraa of duuba deebituu?' Jechuun yaadachiisan. 

Yommuu kana Umar Ibnu Khaxxab r.a rifatee seeyfii isaa lafatti gate. 

Akka waan suuraan Qur'aanaa sun guyyaa sana buutee itti fakkaate. 

Gaggabee imimmaani isaaniif lolaase. 

Subhaanallah!

------------

Umar Ibnu Khaxxaab jechuun bar nama wayta awwalaa jibbiinsa Nabi Muhammadiif s.a.w qabu irraa kan ka'e diina isaan ajjeesuuf halkanii fii guyyaa barbaadu ture. 

Booda garuu Eega islaamawee booda nama jaalala Nabi Muhammadiitiin injifatamuu irraa kan ka'e gaafa du'a isaanii "Nama Nabi Muhammad du'eera jedhu nan ajjeesa" jedhee dhaadatee dha. 

Booda garuu Qur'aanni Rabbii onnee isaa keessa seentee isa tasgabbeessite. 

Subhaanallah! 

Suni hundi kan taheef jaalala guddaa isaan Nabi Muhammadiif s.a.w qaban irraayi malee waan biraatii miti. 

Yaa obboleewwan islaamaa, Rabbiin jaalala isaanii nuuf kennee warra karaa isaanii hordofu nu haa taasisu jenna. Aamiin.

-------------

Mee Ergamaa Rabbii Nabi Muhammad irratti salawaata haa buufnuu!

Sallallaahu Aleyhi Wesallam!

Comments

Post a Comment

Popular posts from this blog

ZIKRII GALGALA JADHAMU

Image
  ZIKRII GALGALA JADHAMUU أَمْسَيْنا وَأَمْسَى الْمُلْكُ للهِ رَبِّ الْعَالَمَيْنِ، اللَّهُمَّ إِنَّي أسْأَلُكَ خَيْرَ هَذَه اللَّيْلَةِ فَتْحَهَا ونَصْرَهَا، ونُوْرَهَا وبَرَكَتهَا، وَهُدَاهَا، وَأَعُوذُ بِكَ مِنْ شَرِّ مَا فيهِا وَشَرَّ مَا بَعْدَهَا Nuti galgaleessifanne. Mootummaanis kan Rabbii ta’ee galgalaaye. Rabbii Aalamaa kan tahe, Yaa Rabbi An si kadha. toltuu halkan kana keessa jiruu, Banaa isiidha, Tumsa isiidha, ifaa isiidhaa, Barakaa isiidhaa, Qajeelluma isiidhaa siin kadha. Sittiin maganfadha hamtuu halkan tana keessa jiruufi hamtuu isii booda jiru irraa.  
Read more

Utubaalee Islaamummaa Shanan

    Utubaalee Islaamummaa Shanan Amantaa Hojii Musliimonni yemmuu du’an hojiin isaanii gaarin hojii isaanii badaa waliin akka madaalamu ni amanu. Hojiin isaanii badaan isa gaarii irra caalee kan argamu yoo ta’e kara gahaannamaa (ibidda barabaraa) akka adeemanii fi gara jannataatti galuu isaanii dura gidiraan akka isaan irra gahuudha. Hojiin isaanii gaarin yoo madaale immoo fedha Waaqayyoo yoo ta’e qajeelumaan gara jannataa adeemuu ni danda’u. Haata’u malee isaan mirkaneeffachuu hin danda’an; sababni isaas hunduu kan murteeffamu filannoo Waaqayyootin waan ta’eefi. Isaan keessaa tokko tokko kan yaaadan namoonni jihaada irratti du’an qajeelumaan gara jannataa akka galaniidha. Haata’u malee walumaa galatti Musliimonni hunduu gara gahannamaa adeemuu jalaa bahuu akka danda’an guutumaa gututti mirkaneeffachuudhan beekuu hin danda’an. Kanaafidha Musliimonni baay’en sodaa keessa kan jiraataniif. Hojiin isaanii gaarin caalaa akka madaalu Musliimonni gochaawwan shan akka hojjetan ajajama...
Read more

SEENAA JAABIR BIM ABDALLAH

Image
      SEENAA JAABIR BIN ABDALLAAH Jaabir bin Abdallaan radiyallaahu anhu sahaabaa guddaa Ergamaa Rabbii s.a.w keessaa isa tokko ture. Abbaan isaa lola Uhud irratti wareegame shahida tahe. Sababa kanaan obboleettiiwwan isaa 9 kunuunsuuf itti gaafatamummaan harka isaatti kufe. Deeyniin abbaa isaa hin kafalamne hedduun illee gurmuu sahaabaa dargaggeessa tahe kana irratti kufee ture. Namootni mallaqa abbaa isaa irraa qabanis nuuf kaffaliif halkanii fii guyyaa isa rakkisaa turan. Sababa kanaan Jaabir yeroo hundaa obboleettiiwwanii fii deeynii abbaa isaa kaffaluuf jecha osoo cinqamuu fii yaaddawu dabarsa. Imala Zata Ar-Riqaa irratti Jaabir ibn Abdallah Ergamaa Rabbii s.a.w wajjiin imalee ture. Hiyyummaa isaa irraa kan ka'e Jaabir gaalli inni yaabbatee ture baay'ee laaftuu tan taatee fii tan suuta deemtu turte. Jaabir gaala biroo bitachuuf mallaqa hin qabuu ture. Sababa kanaan namni hunduu duubatti isa gatee fuulduratti imalu. Ergamaan Rabbii s.a.w illee bifa walfakkaatuun duuba...
Read more