ARRABA KEE TOOHADHUU


ARRABA KEE TOOHADHU
•••••••••••••••••••••••••••

Yeroo kankee mormii irratti hin gubin. Keessattuu namoota hammeenya namaa malee toltuu namaa haasawuu hin jaalanne wajjin wal hin mormin. Osoo haga fedhellee dhugaa jirtu itti himtee, isaan waan ati jettu sirraa fudhachuudhaaf qophaahoo miti. Durumaan qalbii isaanii cufanii jiran.

Yoo namoonni oduu dharaa waa’ee kankee facaasan, hin cinqamin, namoota sanniiniifis bakka hin kennin. Deebii isaanii kennuudhaafis yeroo kankee hin gubin. Ati arraba isaanii too’achuu hin dandeettu. Garuu qalbiin tantee qulqulluu yoo taate, Rabbii kee gammachiisuu ni dandeetta. Kanaafuu, kaayyooon kee Rabbii kee gammachiisuu malee, nama ololaan deemu ittisuu ta’uu hin qabu.

Yoo namoonni biroo waa’ee kankee, oduu dharaa facaasaa jiran taate, diriirfadhuu gammachuun ciisi. Warri sun, badii ati dalayde sirraa dhiqanii, toltuu isaanii ammoo siif gumaachaa jiran. Adaduma warri sun waan ati hin qabneen si hamataniin, Rabbi badii kankee sirraa fuudhaa isaanirra kaaya. Toltuu isaanii ammoo fuudhee toltuu kankee irratti siif ida’a. Haaluma wal fakkaatuun atis, oduu dharaa waan namaa odeessaa jirta taanaan, badii isaanii isaan irraa dhiqaa akka jirtu beeki. San daran ammoo toltuu tantee isaaniif dabarsaa kankeetii ammoo harka duwwaa akka hafaa jiru yaadadhu. Kanaafuu Arraba kee toohadhu.

YAA RABBI

► Arraba keenya kheeyrii dubbachiisi
► Hamii irraa nu fageessi
► nama toltuu namaa dubbatu nu taasisi
► akka maqoo namaa dhoksinu nu dandeessisi !!!!

Comments

Post a Comment

Popular posts from this blog

ZIKRII GALGALA JADHAMU

Image
  ZIKRII GALGALA JADHAMUU أَمْسَيْنا وَأَمْسَى الْمُلْكُ للهِ رَبِّ الْعَالَمَيْنِ، اللَّهُمَّ إِنَّي أسْأَلُكَ خَيْرَ هَذَه اللَّيْلَةِ فَتْحَهَا ونَصْرَهَا، ونُوْرَهَا وبَرَكَتهَا، وَهُدَاهَا، وَأَعُوذُ بِكَ مِنْ شَرِّ مَا فيهِا وَشَرَّ مَا بَعْدَهَا Nuti galgaleessifanne. Mootummaanis kan Rabbii ta’ee galgalaaye. Rabbii Aalamaa kan tahe, Yaa Rabbi An si kadha. toltuu halkan kana keessa jiruu, Banaa isiidha, Tumsa isiidha, ifaa isiidhaa, Barakaa isiidhaa, Qajeelluma isiidhaa siin kadha. Sittiin maganfadha hamtuu halkan tana keessa jiruufi hamtuu isii booda jiru irraa.  
Read more

Utubaalee Islaamummaa Shanan

    Utubaalee Islaamummaa Shanan Amantaa Hojii Musliimonni yemmuu du’an hojiin isaanii gaarin hojii isaanii badaa waliin akka madaalamu ni amanu. Hojiin isaanii badaan isa gaarii irra caalee kan argamu yoo ta’e kara gahaannamaa (ibidda barabaraa) akka adeemanii fi gara jannataatti galuu isaanii dura gidiraan akka isaan irra gahuudha. Hojiin isaanii gaarin yoo madaale immoo fedha Waaqayyoo yoo ta’e qajeelumaan gara jannataa adeemuu ni danda’u. Haata’u malee isaan mirkaneeffachuu hin danda’an; sababni isaas hunduu kan murteeffamu filannoo Waaqayyootin waan ta’eefi. Isaan keessaa tokko tokko kan yaaadan namoonni jihaada irratti du’an qajeelumaan gara jannataa akka galaniidha. Haata’u malee walumaa galatti Musliimonni hunduu gara gahannamaa adeemuu jalaa bahuu akka danda’an guutumaa gututti mirkaneeffachuudhan beekuu hin danda’an. Kanaafidha Musliimonni baay’en sodaa keessa kan jiraataniif. Hojiin isaanii gaarin caalaa akka madaalu Musliimonni gochaawwan shan akka hojjetan ajajama...
Read more

SEENAA JAABIR BIM ABDALLAH

Image
      SEENAA JAABIR BIN ABDALLAAH Jaabir bin Abdallaan radiyallaahu anhu sahaabaa guddaa Ergamaa Rabbii s.a.w keessaa isa tokko ture. Abbaan isaa lola Uhud irratti wareegame shahida tahe. Sababa kanaan obboleettiiwwan isaa 9 kunuunsuuf itti gaafatamummaan harka isaatti kufe. Deeyniin abbaa isaa hin kafalamne hedduun illee gurmuu sahaabaa dargaggeessa tahe kana irratti kufee ture. Namootni mallaqa abbaa isaa irraa qabanis nuuf kaffaliif halkanii fii guyyaa isa rakkisaa turan. Sababa kanaan Jaabir yeroo hundaa obboleettiiwwanii fii deeynii abbaa isaa kaffaluuf jecha osoo cinqamuu fii yaaddawu dabarsa. Imala Zata Ar-Riqaa irratti Jaabir ibn Abdallah Ergamaa Rabbii s.a.w wajjiin imalee ture. Hiyyummaa isaa irraa kan ka'e Jaabir gaalli inni yaabbatee ture baay'ee laaftuu tan taatee fii tan suuta deemtu turte. Jaabir gaala biroo bitachuuf mallaqa hin qabuu ture. Sababa kanaan namni hunduu duubatti isa gatee fuulduratti imalu. Ergamaan Rabbii s.a.w illee bifa walfakkaatuun duuba...
Read more