ADDUNYAAF HIN GABROOMIN


HIN GABROOMIN
•••••••••••••••••••

Qabeenya barbaaddu hunda eega argatteen booda waan gammaddu of seeta. Gaafa achi geettu ammoo faallaa saniitiin yaaddoon sitti bu’a. Gammachuun sirraa fagaatee, galaana gaddaa keessa daakta. Maaf akka ta’e beeytaa?...Gammachuun dhugaa mallaqa irraa osoo hin taane, iimaana fi walitti hidhata ati Rabbii kee wajjiin qabdu irraa argama. Kanaafuu gabrummaa qabeenyaa jalaa of bilisoomsi,
Rakkoon takka si mudattu hin gaddin. Gaddi onnee namaa laaffisa. Akkasumas adeemsa kee kan fuulduraa irratti danqa sitti ta’a. Gaarii yaadi, Rabbii kee irratti hirkadhu, amantii guutuu qabaadhu. In shaa Allaah gammachuu dhugaa argatta.

***

Addunyaan tun wantoota garagaraatiin guutamtee jirti. Argachuu fi dhabuun qaama jireenya addunyaa kanaati. Muslimni dhugaa qabeenyaaf bakka kennuu hin qabu. Osoo haga feene qabeenya walitti qabneeyyu, gaaf tokko keessaa bahuun keenya hin oolamu. Jireenya gammachuu argachuudhaaf mallaqa walitti tuuluun gahaadha seena. Dhugaadha, jiraachuudhaaf mallaqa qabaachuun barbaachisaadha. Ammaan tana inumaa mallaqa guddaa qabaachuu qabna. Anis mallaqa walitti hin qabatinaa jedhaa hin jiru, garuu gabra mallaqa keenyaa ta’uurraa of haa eegnu. Gammachuu keenyaa fi mallaqa walitti hidhataa godhuurraa haa fagaannu.

Waan mallaqa dhabdaniif hin gaddinaa, Waan mallaqa argattaniifis hin gammadinaa. Gammachuun keenya ibaadaa Rabbii haala gaariin dalagatuu irraa haa argamu. Qabeenya walitti tuuluu keenyaan osoo hin taane, Sadaqachuu keenyaan haa gammadnu. In shaa Allaah, gammachuu asii qofa osoo hin taane kan aakheraatis ni arganna.

Yaa Allaah

► Gabrummaa mallaqaa jalaa nu baas
► gammachuu keenya gammachuu dhugaa nuuf taasisi
► Aakhirattis warra milkaayan wajjiin jannata nu qubsiisi

By: kalaamnigaariinsadaqaa 

Comments

Post a Comment

Popular posts from this blog

ZIKRII GALGALA JADHAMU

Image
  ZIKRII GALGALA JADHAMUU أَمْسَيْنا وَأَمْسَى الْمُلْكُ للهِ رَبِّ الْعَالَمَيْنِ، اللَّهُمَّ إِنَّي أسْأَلُكَ خَيْرَ هَذَه اللَّيْلَةِ فَتْحَهَا ونَصْرَهَا، ونُوْرَهَا وبَرَكَتهَا، وَهُدَاهَا، وَأَعُوذُ بِكَ مِنْ شَرِّ مَا فيهِا وَشَرَّ مَا بَعْدَهَا Nuti galgaleessifanne. Mootummaanis kan Rabbii ta’ee galgalaaye. Rabbii Aalamaa kan tahe, Yaa Rabbi An si kadha. toltuu halkan kana keessa jiruu, Banaa isiidha, Tumsa isiidha, ifaa isiidhaa, Barakaa isiidhaa, Qajeelluma isiidhaa siin kadha. Sittiin maganfadha hamtuu halkan tana keessa jiruufi hamtuu isii booda jiru irraa.  
Read more

Utubaalee Islaamummaa Shanan

    Utubaalee Islaamummaa Shanan Amantaa Hojii Musliimonni yemmuu du’an hojiin isaanii gaarin hojii isaanii badaa waliin akka madaalamu ni amanu. Hojiin isaanii badaan isa gaarii irra caalee kan argamu yoo ta’e kara gahaannamaa (ibidda barabaraa) akka adeemanii fi gara jannataatti galuu isaanii dura gidiraan akka isaan irra gahuudha. Hojiin isaanii gaarin yoo madaale immoo fedha Waaqayyoo yoo ta’e qajeelumaan gara jannataa adeemuu ni danda’u. Haata’u malee isaan mirkaneeffachuu hin danda’an; sababni isaas hunduu kan murteeffamu filannoo Waaqayyootin waan ta’eefi. Isaan keessaa tokko tokko kan yaaadan namoonni jihaada irratti du’an qajeelumaan gara jannataa akka galaniidha. Haata’u malee walumaa galatti Musliimonni hunduu gara gahannamaa adeemuu jalaa bahuu akka danda’an guutumaa gututti mirkaneeffachuudhan beekuu hin danda’an. Kanaafidha Musliimonni baay’en sodaa keessa kan jiraataniif. Hojiin isaanii gaarin caalaa akka madaalu Musliimonni gochaawwan shan akka hojjetan ajajama...
Read more

SEENAA JAABIR BIM ABDALLAH

Image
      SEENAA JAABIR BIN ABDALLAAH Jaabir bin Abdallaan radiyallaahu anhu sahaabaa guddaa Ergamaa Rabbii s.a.w keessaa isa tokko ture. Abbaan isaa lola Uhud irratti wareegame shahida tahe. Sababa kanaan obboleettiiwwan isaa 9 kunuunsuuf itti gaafatamummaan harka isaatti kufe. Deeyniin abbaa isaa hin kafalamne hedduun illee gurmuu sahaabaa dargaggeessa tahe kana irratti kufee ture. Namootni mallaqa abbaa isaa irraa qabanis nuuf kaffaliif halkanii fii guyyaa isa rakkisaa turan. Sababa kanaan Jaabir yeroo hundaa obboleettiiwwanii fii deeynii abbaa isaa kaffaluuf jecha osoo cinqamuu fii yaaddawu dabarsa. Imala Zata Ar-Riqaa irratti Jaabir ibn Abdallah Ergamaa Rabbii s.a.w wajjiin imalee ture. Hiyyummaa isaa irraa kan ka'e Jaabir gaalli inni yaabbatee ture baay'ee laaftuu tan taatee fii tan suuta deemtu turte. Jaabir gaala biroo bitachuuf mallaqa hin qabuu ture. Sababa kanaan namni hunduu duubatti isa gatee fuulduratti imalu. Ergamaan Rabbii s.a.w illee bifa walfakkaatuun duuba...
Read more